OPERIS RATIO

Dissertatio proposita pars est laboris de dogmate «Filioques» ante annos suscepti. Iam tempore studiorum in Universitate Oenipontana Profess. P. Jos. Müller ei P. H. Bruders praelectionibus de SS. Trinitate allectus ad doctrinam Photii tractandam accessi in opusculo a. 1921. edito: «Die Trinitätslehre des byzantinischen Patriarchen Photios». Quo libello difficultas cardinalis a Patriarcha Byzantino contra Latinos de unitate principii spirationis mota atque ab omnibus fere theologis orthodoxis repetita nondum perfecte dispersa videbatur. Quam ob rem durante «cursu magisterii» in Universitate Gregoriana (1920-1922), Romae ad eandem materiam rursus tractandam me converti. Dissertationem tune approbatam aliis occupationibus impeditus nunc demum amplificatam et auctam typis edidi.

Data occasione pergratum est mihi sinceras gratias Emo Fr. Card. Ehrle atque Rmo P. de la Taille reddere, qui Sua experientia et impulsu benignissime in labore me adiuvaverunt.

Auctor